Tendo en conta que estabamos na capital de provincia a maior altitude e que xa estamos en Novembro, íamos preparados para un día xélido. Afortunadamente tivemos bastante bo día, xa que non precisamos do xersei ata mediados da tarde.
En canto a cidade, non é que sexa moi grande, pero para dar unha voltiña dun día, ben vale. A parte que está dentro das murallas está bastante ben para pasear, pero tampouco hai moito máis. Pódese subir á muralla ou visitar igrexas (unha das cidades con meirande número de igrexas por habitante) e a catedral, pero cobran por todo. Como dixo un dos meus amigos, é mellor a muralla de Lugo, que é gratis e ademais pódeselle da-la volta completa.
A cidade estaba ateigada de turistas, ata había unha excursión de xaponeses* (non poden faltar en calquera lugar turístico que se precie), así que costounos atopar un sitio onde poder xantar. Pero ó final, caeu o menu "dietético" composto por "Judías del Barco de Ávila y Chuletón de Ávila", o verdadeiro motivo da viaxe.
*Nota mental: Pedir un crédito para montar unha empresa de aluguer de xaponeses ós sitios turísticos en desenvolvemento.
1 comentario:
Cuando estuve en Ávila el año pasado me pasó lo mismo, en un par de horas vi todo lo que había, y no subí a la muralla porque me pareció muy cutre que te cobraran por ello (forza Lugo!).
De chuletón nada (por desgracia), ahora que me puse tibio a base de yemas de santa teresa, que te suben el azúcar sólo con mirarlas.
Publicar un comentario